Shifokor kimlar muzqaymoq yemasligi kerakligini aytdi
Muzqaymoq tarkibida ko‘p miqdorda yog‘ va shakar mavjud bo‘lib, u diabetga chalinganlarning sog‘lig‘iga sezilarli darajada zarar yetkazishi mumkin, shuningdek muzqaymoq komponentlari allergik reaksiyaga sabab bo‘lishi mumkin.
Bu haqda diyetolog Margarita Koroleva «Moskva 24»ga ma’lumot bergan.
Uglevod almashinuvi bilan bog‘liq muammolarga duch kelgan odamlar muzqaymoqdan butunlay voz kechishlari kerak. Yog‘lar va shakar tufayli semirib ketish xavfi yuqori, muzqaymoq diabetga chalinganlar uchun ayniqsa xavflidir.
«Shuningdek, shirinlikning sut tarkibiy qismlariga va muzqaymoqning individual tarkibiy qismlariga: yong‘oq va rezavorlarga toqat qilmaydigan odamlar iste’mol qilmasligi kerak. Bunday holda, immunitet tizimi allergik reaksiya qo‘zg‘ashi mumkin», dedi shifokor.
Shuningdek, diyetolog sovuqda bolalarga muzqaymoq bermaslikni maslahat berdi, chunki sovuq mahsulot nafas yo‘llari kasalliklariga sabab bo‘lishi mumkin.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter