Sayyoramizdagi eng sovuq joylarni bilasizmi?
Britaniyaning «The Independent» nashri jahondagi eng sovuq joylar reytingini tuzdi.
Jurnalistlar birinchi navbatda Mo‘g‘uliston poytaxti Ulan-Batorni tilga olishdi. Bu yerda yanvar oyida harorat kamdan-kam holatda -16 darajadan yuqoriga ko‘tariladi.
Ro‘yxatga rossiyaliklar ixtiyoridagi «Vostok» stansiyasi (Antarktida) ham kiritildi. Bu yerda yozda havo harorati o‘rtacha -32 darajani tashkil etadi. Qolaversa, bu stansiya sayyoramizdagi eng quruq joylardan biri hamdir.
Sovuq joylar reytingida yozi bilan qishidagi haroratlar keskin farq qiluvchi Verxoyans shahri ham bor — qishda bu shaharga borsangiz -48 daraja sovuqdan azob tortasiz, yozda esa 30 daraja issiq!
Qolaversa, Denali tog‘i (AQSh, Alyaska), Freyzer shahri (AQSh, Kolorado), Snag qishlog‘i (Kanada), Yakutsk shahri (Rossiya) hamda Rojer dovoni (AQSh, Montana) sayyoramizdagi eng sovuq joylar sifatida qayd etildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter