Putin Islom Xalilovni medal bilan taqdirladi
Rossiya prezidenti Vladimir Putin «Krokus Siti Holl»dagi terakt chog‘i odamlarga yordam bergan uch nafar o‘smirni «Halok bo‘layotganlarni qutqargani uchun» medali bilan taqdirladi.
Tegishli farmon huquqiy axborot portalida e’lon qilindi.
Medallar «Ekstremal sharoitlarda odamlarni qutqarish uchun mardlik va qat’iyat ko‘rsatgani uchun» Krasnogorskdagi maktab o‘quvchilari Artyom Donskov va Islom Xalilov hamda RANXiGS qoshidagi kollej o‘quvchisi Nikita Ivanovlarga topshiriladi.
Moskva viloyatidagi «Krokus Siti Holl» majmuasida garderobchi bo‘lib ishlagan 15 yoshli Islom Xalilov 22-mart kungi qonli terakt payti 100 dan ziyod insonni qutqargandi. Islom Xalilov Rossiyada tug‘ilgan. Ota-onasi Qirg‘izistonning Jalolobod va O‘sh viloyatlaridan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter