Putin ba’zan taksi haydab pul topganini tan oldi
Rossiya prezidenti Vladimir Putin 90-yillarda taksi haydab pul topganini ma’lum qildi. Bu haqda «Rossiya 24» telekanali orqali namoyish etilgan «Zamonaviy tarix» filmi tizerida so‘z boradi.
«Ba’zida taksi haydab qo‘shimcha pul ishlashga to‘g‘ri kelardi. Bu haqda gapirish yoqimsiz, lekin, afsuski, shunday bo‘lgan», - degan Putin.
2018 yilda jurnalist Andrey Kondrashovga bergan intervyusida Putin Anatoliy Sobchak mer saylovida mag‘lub bo‘lganidan keyin meriyani tark etganida, taksida ishlashga tayyorligini aytgan edi.
Uning so‘zlariga ko‘ra, Vladimir Putin hech qachon Sankt-Peterburgni tark etishni istamagan bo‘lsa-da, ishga taklif qilingani va Moskvada qo‘nim topganidan minnatdor.
Putin prezident ma’muriyatiga taklif qilinganida, bu taklifni qabul qilmasdan iloji yo‘qligini ta’kidlagan – uning so‘zlariga ko‘ra, o‘shanda u boshqa ish topa olmagan bo‘lardi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter