Sirdaryodagi portlash oqibatida 3 742 ta turar va noturar joyga zarar yetgan
Sirdaryo tumanidagi harbiy qism omborida sodir bo‘lgan hodisa (portlash) oqibatlari haqida Sirdaryo viloyati hokimligining rasmiy telegram-kanali xabar berdi.
Harbiy qism yaqinida joylashgan mahallalar to‘liq qamrab olinib, xatlovdan o‘tkazilgan. Hisob-kitoblarga ko‘ra, 3 742 ta turar va noturar joyning tomi, shifti, deraza va eshik romlariga qisman talafot yetgan.
22-oktyabr kuni 2 ming kvadrat metr oynalar aholiga yetkazilib, o‘rnatib berildi. Bu boradagi ishlar tizimli ravishda davom ettirilmoqda, deyiladi xabarda.
Sirdaryo tumanidagi harbiy qism omborida sodir bo‘lgan hodisa oqibatida ko‘rilgan zararni aniqlash hamda ularni bartaraf qilish maqsadida tegishli vazirlik va idoralar mas’ul vakillari hamda viloyat sektor rahbarlaridan iborat ishchi guruhi tuzilgan.
Sirdaryodagi Mudofaa vazirligi omborida kuchli portlash sodir bo‘lgani haqida videoxabar berilgandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter