O‘zbekistonlik raqqos yirik xalqaro ko‘rik-tanlovda sovrindor bo‘ldi
Rossiyaning Sankt-Peterburg shahrida jahonning 10 ta mamlakatidan tashrif buyurgan 120 nafardan ortiq vakillari ishtirokida «Ballet beautiful art» klassik va zamonaviy raqs san’ati bo‘yicha xalqaro ko‘rik-tanlov o‘tkazildi.
Xalqaro tanlovda Toshkent davlat milliy raqs va xoreografiya oliy maktabining 2-bosqich talabasi Doston Turg‘unov muvaffaqiyatli ishtirok etib, ikkinchi o‘rinni qo‘lga kiritdi. Bu haqda Oliy va o‘rta maxsus ta’lim vazirligi xabar berdi.
Musobaqa davomida Doston Turg‘unov «Jizel» spektaklidan Albert variatsiyasi, «Korsar» spektaklidan variatsiya ijro etib hakamlar hay’ati va tomoshabinlar olqishiga sazovor bo‘ldi. «Ballet beautiful art» xalqaro tanlovida italiyalik ijrochi birinchi, hamyurtimiz ikkinchi va uchinchi o‘rinni rossiyalik ijrochi qo‘lga kiritdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter