O‘zbekiston internet tezligi bo‘yicha reytingda yetti pog‘ona yuqoriladi
O‘zbekiston simli internet tezligi bo‘yicha reyting («Speedtest Global Index») da yetti pog‘ona yuqorilab, 119-o‘rinni band etdi, deb xabar bermoqda «Regnum» axborot agentligi.
Mazkur reytingga ko‘ra, O‘zbekistonda simli internet tezligi 8,57 Mbit/s., mobil internet tezligi 9,6 Mbit/s.ni tashkil etgan. Mobil internet tezligi bobida O‘zbekiston bir oy davomida to‘rt pog‘ona yuqorilab 110-o‘rinni egallagan.
Ayni paytda jahonda mobil internet tezligi bo‘yicha Qatar, simli internet tezligi bo‘yicha Singapur yetakchi bo‘lib turibdi.
«Regnum» axborot agentligi ma’lum qilishicha, 2018-yil iyul oyi oxiriga kelib O‘zbekistonda xalqaro internet kanallariga ulanish tezligi 140,034 Gbit/s.gacha, ya’ni 2018-yil boshiga nisbatan 49 foizga oshgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter