Muftiy hazratlari Islomiy fiqh akademiyasi a’zoligiga qabul qilindi
20-aprel, shanba kuni Saudiya Arabistoni poytaxtida Islom olami uyushmasi tarkibidagi Islomiy fiqh akademiyasining 23-davra yig‘ilishi bo‘lib o‘tdi. Unda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari ushbu Kengash a’zoligiga qabul qilinganlari e’lon qilindi.
Yig‘ilishda ishtirok etayotgan dunyoning yetakchi ulamolari Muftiy hazratlarini ushbu martaba bilan qutlab, O‘zbekistondagi diniy-ma’rifiy sohadagi islohotlarni yuqori baholadilar.
Muftiy Shayx Nuriddin Xoliqnazar hazratlari Xalqaro musulmon ulamolari kengashi va Musulmon donishmandlar kengashi a’zosi ham hisoblanadi.
Ma’lumot uchun, Islomiy fiqh akademiyasi – Islom olami uyushmasi (Robitat al-olam al-islomiy)ga qarashli Islom dunyosining taniqli faqih va yetuk ulamolaridan tashkil topgan mustaqil, yuridik maqomga ega bo‘lgan nufuzli ilmiy tashkilotdir.
Akademiya 1977-yil 10-dekabrda tashkil etilgan. Qarorgohi Makka shahrida.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter