Lionel Messi nufuzli mukofotni qo‘lga kiritdi
Fransiyaning «Pari Sen-Jermen» futbol klubi hujumchisi Lionel Messi Laureus World Sports Academy talqiniga ko‘ra 2022 yilning eng yaxshi sportchisi deb topildi.
G‘oliblarni taqdirlash marosimi 8 may kuni tunda bo‘lib o‘tdi.
2022 yilda Messi faoliyatida ilk bor jahon chempioni bo‘ldi va Qatardagi turnirning eng yaxshi futbolchisi deb topildi.
Mukofot uchun kurashda 35 yoshli futbolchi jamoadoshi, fransiyalik hujumchi Kilian Mbappeni, ikki karra Formula 1 chempioni gollandiyalik Maks Ferstappenni, tayanib sakrash bo‘yicha jahon rekordchisi shved Armand Dyuplantisni, ispan tennischisi Rafael Nadal va amerikalik basketbolchi Stiven Karrini ortda qoldirdi.
Yamaykalik yuguruvchi, uch karra Olimpiada chempioni Shelli-Enn Freyzer-Prays 2022 yilning eng yaxshi ayol sportchisi deb topildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter