«Jon shirin ekan, 102 yoshga kirib emlandim»
Jizzax viloyatida ham koronavirusga qarshi emlash ishlari izchillik bilan davom etmoqda. Dastlab faqat Jizzax shahrida olib borilgan bo‘lsa, hozirda viloyatning barcha tumanlarida birinchi navbatda emlanadigan aholining emlash ishlari boshlab yuborilgan. Bu haqda Jizzax viloyati sog‘liqni saqlash boshqarmasi Axborot xizmati xabar berdi.
Ayni paytda viloyat bo‘yicha jami 11514 nafar kishi emlandi. Shu kungacha emlanganlardan vaksinaning nojo‘ya ta’siri haqida shikoyatlar tushmadi.
Yaqinda Zarbdor tumanidagi Oqar MFY, Bahor ko‘chasida yashovchi 1919-yilda tug‘ilgan Suymaxol momo Zulimova ham emlandi.
«Bolam, jon shirin ekan, mana, men 102 yoshga kirib emlandim. Do‘xtirlar doimiy holimdan xabar olib turadi. Nojo‘ya ta’sirini sezmadim. Iloho, yurtimiz doim tinch, yurtboshimiz omon bo‘lsin. Bu baloyu ofatlardan tezroq xalos bo‘laylik», — deydi Suymaxol momo duoga qo‘l ochib.
Viloyatda emlashning ahamiyati haqida OAV, ijtimoiy tarmoqlar va aholi o‘rtasida keng targ‘ibot ishlari olib borilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter