Kecha, 15 iyul kuni Jizzax viloyatida «Lacetti» va «Cobalt» to‘qnashuvi natijasida 2 kishi halok bo‘ldi. Bu haqda Jizzax viloyati IIB JXX YHXB Axborot xizmati xabar bermoqda.

Qayd etilishicha, 15 iyul kuni soat 06:45 larda, Sh.Rashidov tumani hududidan o‘tgan 4R-35 «Jizzax-Paxtakor-Gagarin» avtomobil yo‘lining 18 km.da, 1988 yilda tug‘ilgan haydovchi «Lacetti» rusumli transport vositasini boshqarib borayotib qarama-qarshi yo‘nalishda harakatlanib kelayotgan, 1993 yilda tug‘ilgan haydovchi boshqaruvidagi «Cobalt» rusumli transport vositasining yo‘liga chiqib ketishi oqibatida to‘qnashib YTH sodir bo‘lgan.

YTH oqibatida «Lacetti» va «Cobalt» rusumli avtoulov haydovchilari og‘ir tan jarohatlari bilan voqea joyida vafot etishgan.

Shuningdek, ushbu transport vositalarida bo‘lgan 3 nafar yo‘lovchilar og‘ir tan jarohatlari bilan RShTYoIM Jizzax filialining jonlantirish bo‘limiga yotqizilgan.

Mazkur holat yuzasidan Sh.Rashidov tumani IIB TB tomonidan tergov harakatlari olib borilmoqda.