Isroil va «HAMAS» urushi: ikki tomondan halok bo‘lganlar soni 300 nafardan oshgan
Bugun, 7-oktyabr kuni ertalab «HAMAS» Isroilga qarshi «Al-Aqso toshqini» harbiy operatsiyasini boshlagan va bunga javoban Isroil tomoni aksilterror operatsiyasi boshlaganini ma’lum qildi.
Falastinning «HAMAS» harakati vakili Abdul Latif Al-Qanuniy «Al-Aqso toshqini» operatsiyasi Isroilning Al-Aqso masjididagi «qizil chiziqlar»ni bir necha bor buzganiga javob ekanini ta’kidlab chiqdi.
Isroil bosh vaziri Binyamin Netanyaxu Bayden bilan suhbatda unga qo‘llab-quvvatlagani uchun minnatdorchilik bildirgan va Isroilga «uzoq va kuchli kampaniya kerak»ligini aytgan.
O‘z navbatida Qo‘shma Shtatlar prezidenti Isroilga urush uchun har qanday ko‘makka tayyorligini bildirgan.
So‘nggi xabarlarga ko‘ra, Isroil tomonidan urushda qurbon bo‘lganlar soni 100 dan ortiq, G‘azo sektori ma’muriyati tomonidan esa 200 ga yaqin qurbonlar qayd etilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter