FIFA rahbari jahon chempionatini har ikki yilda o‘tkazishga tayyor
Xalqaro futbol assotsiatsiyalari federatsiyasi (FIFA) prezidenti Janni Infantino jahon chempionatini har ikki yilda bir marta o‘tkazish g‘oyasiga o‘z munosabatini bildirdi — bu darajadagi turnirlarni tez-tez o‘tkazib turish kerak.
«Tadbirning obro‘si o‘tkazilish sur’ati emas, balki sifati bilan o‘lchanadi. Masalan, Superboul, Chempionlar ligasi yoki Uimbldondagi musobaqalarni olaylik. Har yili o‘tkazilsa ham, ular nufuzli sanaladi, orziqib kutiladi», — Infantinoning so‘zlarini keltirmoqda «Reuters».
Eslatib o‘tamiz, futbol bo‘yicha jahon chempionatlari har to‘rt yilda bir marta o‘tkaziladi. Navbatdagisiga 2022-yilning noyabr-dekabr oylarida Qatar mezbonlik qiladi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter