Dominikan Respublikasida endi har yili 23-fevral Kurash milliy kuni sifatida nishonlanadigan bo‘ldi. Bu haqda Xalqaro kurash assosiatsiyasi (IKA) matbuot xizmati «Xabar.uz»ga xabar qildi.

«Janubiy Amerikada haqiqiy ma’noda kurashqon tomiriga aylangan milliy federatsiyadir. Federatsiya rahbarlarining sa’y-harakatlari bilan har yili muntazam tarzda mamlakat chempionatlari, qit’a birinchiliklari yuqori darajada o‘tkazib kelinmoqda. Xususan, 2005-yil yoshlar o‘rtasida V jahon chempionatiga Dominikan Respublikasi mezbonlik qilgani kurash muxlislari yodida.

Ushbu mamlakat 2015-yil Panamerika kurash konfederatsiyasiga a’zo federatsiyalar ishtirokida «Kurash oyligi» o‘tkazilishining tashabbuskori bo‘lgan. 2018-yildan boshlab 23-fevral Dominikan Respublikasida Kurash milliy kuni sifatida nishonlanadigan bo‘ldi. Dominikan hukumati qo‘llab–quvvatlashi va mamlakat kurash federatsiyasi ijroiya qo‘mitasi qarori bilan 23-fevral kuni kurash bo‘yicha ko‘rgazmali chiqishlar, hakamlik seminarlari, o‘quv mashg‘ulotlari, turli tanlovlar va kurash sporti targ‘ibotiga bag‘ishlangan boshqa ko‘plab tadbirlar o‘tkazilishi belgilandi», — deyiladi xabarnomada.

Kurash milliy kuni sportchilarimiz, murabbiylarimiz, hakamlarimiz va boshqa mutaxassislar tomonidan betakror kayfiyat va muhitda nishonlanadi. Bu tadbirga mamlakatimiz poytaxti Santo-Domingo shahri, shuningdek, Azua, Peraviya, San-Kristobal, San-Pedro-de-Makoris, Monte-Plata, La-Vega, San-Xuan, Duarte, Sanches-Ramires va boshqa provinsiyalarda katta tayyorgarlik ishlari olib borilmoqda. Ishonamizki, Kurash milliy kuni Dominikan Respublikasida kurash ommaviyligini yanada oshirishga xizmat qiladi.

Israil Karabalo,

Dominikan kurash federatsiyasi prezidenti