«Chelsi» o‘tgan mavsumdan $128 mln. zarar bilan chiqdi
Londonning «Chelsi» klubi 2018/2019-yil mavsumini $128 mln. zarar bilan yopdi. Bu haqda «Associated Press» xabar berdi.
Nashr ma’lumot berishicha, manfiy moliyaviy ko‘rsatkichlar avvalo klubning o‘tgan mavsum Yevropa chempionlar ligasida qatnashmagani, jamoa bosh murabbiyi almashishi hamda yirik transfer xarajatlari bilan bog‘liq.
Masalan, ispaniyalik darvozabon Kepa Arrisabalaga klubga $89 mln.ga tushdi, amerikalik himoyachi Kristian Pulishichga $71 mln, yarimhimoyachilar: xorvatiyalik Mateo Kovachich va braziliyalik Jorjinolarga $50 mln. va $63 mln.dan sarflangan.
Qo‘shimcha qilinishicha, o‘tgan yili «Chelsi» $82 mln. daromad qilgan — bitta Kepaga ham yetmadi...
Ma’lumot uchun: o‘tgan masum «Chelsi» Angliya chempionatini uchinchi o‘rinda yakunladi, Yevropa ligasida esa zafar qozondi. Hozir esa APLda to‘rtinchi o‘rinda ketyapti.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter