Bosh prokuratura «temir prokuror» laqabli Mira’lam Mirzayevning qo‘lga olinganini rad etdi
Bugun «Xabar.uz» o‘z manbalariga tayanib, Toshkent shahar prokurorining korrupsiya va iqtisodiy jinoyatlar bo‘yicha sobiq o‘rinbosari, adliya katta maslahatchisi Mira’lam Mirzayevning qo‘lga olingani haqida xabar bergan edi.
Bugun Bosh prokuratura rasmiy saytida ushbu xabarga raddiya e’lon qilindi.
«Internet tarmog‘ida O‘zbekiston Respublikasi sobiq bosh prokurori R.Qodirovga nisbatan Bosh prokuratura tomonidan qo‘zg‘atilgan jinoyat ishi bo‘yicha Toshkent shahar prokurorining sobiq birinchi o‘rinbosari M.Mirzayev va uning oila a’zolari ushlanganligi to‘g‘risida xabar tarqatilgan.
Bosh prokuratura ushbu ma’lumot haqiqatga muvofiq emasligini ma’lum qiladi.
O‘zbekiston Respublikasi
Bosh prokuraturasi»
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter