Germaniyaning Maks Plank nomidagi astronomiya instituti olimlari Quyosh tizimidan 855 yorug‘lik yili uzoqlikda joylashgan yangi ekzosayyorani topdilar.

Nature Astronomy ma’lumotlariga ko‘ra, yangi topilgan sayyoradagi ekstremal sharoitlarda metallar gazsimon shaklga kiradi va qimmatbaho toshlar yog‘ishi mumkin.

Ushbu kosmik ob’yekt WASP-121b deb nomlanadi.

U Yupiterdan taxminan 1,18 marta og‘irroq va 1,81 marta kattaroq gaz gigantidir. Sayyora o‘z yulduziga juda yaqin aylanadi – to‘liq aylanib chiqish faqat 1,27 Yer kuni ketadi. 

WASP-121b stratosferasida suv mavjudligi avvalroq ma’lum bo‘lgan edi. Biroq, sayyora juda issiq bo‘lgani uchun yashashga mos sharoit yo‘q bo‘lishi mumkin. Yuzadagi harorat 1500 dan 3000 Kelvingacha (1227 dan 2727 darajagacha) o‘zgarib turadi.

WASP-121b sayyorasi «issiq yupiterlar» sinfiga kiradi. Bular yulduzi atrofida aylanish davri 10 kundan kam bo‘lgan gaz gigantlaridir. Ayni paytda olimlar 5 mingga yaqin shunday sayyoralarni bilishadi. Ulardan 300 tasi o‘ta ekstremal sharoitlar bilan ajralib turadi.

WASP-121 b ana shunday jismlardan biridir. Sayyora har doim bir tomondan yulduzga buriladi. Kecha tomonini o‘rganish qiyinroq, chunki u kunduzdan 10 marta qorong‘iroq. Batafsil ma’lumot olish uchun olimlar jamoasi Hubble kosmik teleskopidan foydalangan. Birinchi marta ular ekzosayyorada to‘liq suv aylanishini kuzatish imkoniyatiga ega bo‘ldilar.