Germaniya kansleri Angela Merkel seshanba kuni kechqurun e’lon qilingan qat’iy karantin bo‘yicha qarordan voz kechib, buning uchun xalqdan uzr so‘ragan. Bu haqda BBC xabar qildi.

Germaniya rahbarlari qo‘shimcha chora-tadbirlarni kechiktirish to‘g‘risida kelishib oldilar.

Pasxa katoliklar, protestantlar va boshqa bir qator xristian cherkovlari taqvimida 1-apreldan 5-aprelgacha davom etishi kerak edi.

Karantin choralari ko‘rilsa ushbu yig‘ilishlarni, shu jumladan cherkovlarda, shuningdek, qarindoshlarning yig‘ilishlarini taqiqlashi kerak edi.

Rejada, shuningdek, oziq-ovqat do‘konlaridan tashqari barcha do‘konlarni yopish kiritilgan bo‘lgan.

Olimlar va tadbirkorlar rasmiylarning rejalarini tanqid qildilar va siyosatchilar tezda o‘z xatolarini tan oldilar.

Merkel mansub bo‘lgan hukmron Xristian Demokratik Ittifoqi partiyasining raisi Armin Lashet chorshanba kuni dastlab taklif qilingan shaklda blokirovka qilish mumkin emasligini tan olib, natijada kansler qaror uchun barcha javobgarlikni o‘z zimmasiga olgan.

«Bu faqat mening xatoyim, chunki oxir-oqibat men hamma narsaga javobgarman», deya Deutsche Welle nashri kanslerning so‘zlarini keltiradi.

Shu bilan birga, hozirda Germaniyada mavjud bo‘lgan karantin choralari 18 aprelga qadar uzaytirilgan.