Android qurilmalar uchun Xabar.uz mobil ilovasi. Yuklab olish ×
Xorij
-A +A

Amerikalik mashhur siyosatchi go‘r og‘zidan qaytdi (foto)

08.03.2020 12:16 0 5704
Amerikalik mashhur siyosatchi go‘r og‘zidan qaytdi (foto)

An’anaga ko‘ra hafta davomida ro‘y bergan eng muhim 7 hodisani yodga olamiz.

1. Curiyalik darbadar oilalar turk–yunon chegarasida. Curiyada vaziyat keskinlashgach, qochqinlar soni yanada oshadi. Bir necha million suriyalikni bag‘riga olgan Turkiya yangi qochqinlarni qabul qilishga tayyor emasligini bildirib, Yevropa ittifoqi bilan chegaralarni ochib yubordi.
Foto: «AP»
2. AQSh prezidentligiga nomzod, sobiq vitse-prezident Jo Bayden saylovchilar davrasida muzqaymoqxo‘rlik qilmoqda. So‘nggi oylarda demokratik partiya vakili bo‘lgan siyosatdonning reytingi keskin pasayib, saylovda nomzod bo‘lishi ham savol ostida qolgan edi. Ammo kutilmaganda «Cuperseshanba» deb atalgan ovoz berishlar yakunida u prezident Donald Trampning asosiy raqibiga aylandi. «Men go‘r og‘zidan qaytdim» dedi g‘alabadan mamnun Bayden.
Foto: «Reuters»
3. Braziliyaning janubi-sharqiy muzofotlarida bir necha kun davomida yoqqan kuchli yomg‘ir oqibatida 20 ga yaqin kishi qurbon bo‘ldi, o‘nlab odam dom-daraksiz yo‘qoldi.
Foto: «AP»
4. Koronavirusdan yurak oldirib qo‘ygan xitoyliklar hatto jonivorlarga ham gigiyenik niqob taqmoqda. Ayni paytda Covid-19 epidemiyasi dunyoning 90 mamlakatiga yoyilgan. So‘nggi ma’lumotlarga ko‘ra, ushbu xastalikdan 3400 kishi vafot etdi, virusga chalinganlar soni 105 mingdan oshib ketdi.
Foto: «Reuters»
5. G‘azoning Nuseyrat lageri novvoyxonasida yuz bergan yong‘inda 11 kishi nobud bo‘ldi, 53 kishi jarohatlandi. Gaz balloni portlashi oqibatida yuzaga kelgan yong‘in jafokash falastinliklar uchun ikki karra kuchli sinov bo‘ldi.
Foto: «Anadolu Ajansı»
6. Akrobat Nik Vallenda Nikaraguadagi Masaya vulqoni ustida tortilgan salkam 600 metrli dor ustida. Shu tariqa u Masaya vulqoni ustidan o‘tgan ilk dorbozga aylandi.
Foto: «AFP»
7. Rossiyaning Buyuk Novgorod shahrida Maslenitsa munosabati bilan o‘tkazilgan bellashuvdan lavha. Maslenitsa – sharqiy slavyan xalqlarida qish tugab, ko‘klam kelishi arafasida nishonlanadigan qadimiy bayram. Foto: «AP»

S.Salim tayyorladi

foto хориж
O'xshash yangiliklar
Xorij 21/11, 19:10

Belgiyalik fotograf g‘ayrioddiy pingvinni suratga oldi

Jamiyat 30/10, 19:44

Rivojlangan davlatlar orzusi chippakka chiqdi

Mahalliy 07/10, 15:41

Xorijga talaba jo‘natish bo‘yicha O‘zbekiston 3-o‘rinda qayd etildi

Xorij 03/09, 14:38

Moskvadagi migrantlarni vaqtincha saqlash markazi tintuv qilindi

Izohlar

Izoh qoldirish uchun saytda ro'yxatdan o'ting

Kirish

Ijtimoiy tarmoqlar orqali kiring

Ommabop
Xorij 2691

Vladimir Putin rossiyaliklarga maxsus murojaat qildi

Jamiyat 2507

Prezident 2025 yil nomini e’lon qildi

Xorij 2193

Isroil rahbariyati hibsga olinishiga birgina davlat tish-tirnog‘i bilan qarshi chiqmoqda

Xorij 2082

Putin Shimoliy Koreyaga sovg‘a jo‘natdi

Xorij 1748

«Putin juda sezgir» — Zelenskiy

Siyosat 1679

Bosh vazir lavozimiga nomzod ko‘rib chiqiladi

«Xabar.uz» axborot-tahliliy portali 2017-yilning 27-dekabrida elektron OAV sifatida davlat ro‘yxatidan o‘tkazilgan. Guvohnoma raqami: 156697. Muassis: «Xabar» gazetasi tahririyati. Tahririyat manzili: 100000, Toshkent shahri, Amir Temur 1-tor ko‘chasi, 2-uy (mo‘ljal: Oloy bozori). Mas’ul muharrir Abdug‘ani Abdurahmonov. Elektron manzil: [email protected]
Materiallarimizdan to‘liq yoki qisman foydalanilganda «Foydalanish shartlari»ga amal qilinishi shart. Barcha huquqlar O‘zbekiston Respublikasining ommaviy axborot vositalari to‘g‘risidagi hamda mualliflik va turdosh huquqlar to‘g‘risidagi qonun hujjatlarida belgilangan tartibda himoyalangan.

Portalning barcha imkoniyatlari saytning to'liq talqinida. Ishlab chiquvchi ActiveMedia Solutions.

android app apple app