Organ transplantatsiyasi davolab bo‘lmaydigan kasallikka chalingan bemorga boshqa usullar samarasiz bo‘lganda amalga oshiriladi. Ba’zi bemorlar operatsiya uchun o‘zlariga kerak bo‘lgan donorni uzoq vaqt kutishadi. Organ transplantatsiyasi operatsiyasidan keyin odamlar qancha yashaydi? Boshqa a’zoni bemor tanasi qanday qabul qiladiyu, umriga qancha yil qo‘shadi? Bu haqda akademik, transplantolog Sergey Gote o‘z fikrlari bilan o‘rtoqlashdi.

A’zo ko‘chirib o‘tkazish operatsiyasini boshida o‘tkazgan odamlar barcha qoidalarga qat’iy rioya qilsalar ko‘p yillar yashashda davom etadi. Masalan yurak transplantatsiyasidan keyin uzoq umr ko‘rish bo‘yicha jahon rekordini amerikalik Toni Huseman o‘rnatdi – 30 yil yashadi.

Rossiyalik Alla Gridneva 2002-yilda 22 yoshida yurak transplantatsiyasi operatsiyasidan o‘tgan. Operatsiyadan sakkiz yildan so‘ng ayol o‘g‘il tug‘di va unga hayotini saqlab qolgan jarroh nomini qo‘ydi. Hozir Alla o‘g‘lini katta qilib, ishlab, to‘laqonli hayot kechirmoqda. Bunday misollarni o‘nlab keltirish mumkin.

Organ transplantatsiyasi bilan og‘rigan aksariyat odamlar ikkinchi hayot uchun imkoniyat berilganini tushunishadi va uni ongli ravishda, iloji boricha faol yashashga intilishadi. Qoidaga ko‘ra ular ishlaydi, farzandlarini tarbiyalaydi va hatto sport o‘yinlarida ishtirok etadi.