3 mln dollarlik supermashina egasiga yetib bormadi (foto)
2002-yilda ishlab chiqarilgan Ferrari Enzo superkari Buyuk Britaniyada YTHga uchradi. Uni egasiga topshirish uchun haydab ketishayotgandi...
Kompaniya asoschisi sharafiga atigi 399 dona ishlab chiqarilgan Ferrari Enzo narxi — 3 mln dollar atrofida. Talab esa tinmay oshmoqda. Superkarni yaratishda taniqli poygachi Mixael Shumaxer qatnashgan.
YTH La-Manshdagi Jersi orolida yuz berdi. Supermashinani boshqarib ketayotgan avtosalon xodimi aftidan mashinaning «nimalarga qodirligini» sinab ko‘rmoqchi bo‘lgan, biroq nam yo‘l pand berib boshqaruvni yo‘qotgan: qarama-qarshi yo‘nalishga o‘tib ketib Honda Jazz bilan to‘qnashgan. Superkarga jiddiy shikast yetdi, ta’miri uchun qancha pul ketishini faqat taxmin qilish mumkin, xolos.
Foto: Carscoops.com
Ferrari Enzo mashinasiga 6,0 litrli 660 kuchli V12 dvigateli va 6 bosqichli robotlashgan uzatmalarni almashtirish qutisi o‘rnatilgan. 100 km/soat tezlik olishi uchun 3,4 soniya kifoya. Maksimal tezligi — 350 km/soat.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter