Bayram va muhim sanalar

• Jahon bezgak kasalligiga qarshi kurashish kuni.
• Daraxt ekish kuni (Germaniya).
• Sinay yarimoroli ozod qilingan kun (Misr).
• Fashizmdan ozod bo‘lgan kun (Italiya).
• Qozoq futboli kuni (Qozog‘iston).
• Koreya xalq armiyasi kuni (KXDR).
• Inqilob kuni (Portugaliya).
• Milliy bayroq kuni (Esvatini qirolligi).

Voqea-hodisalar

• 1333-yil — Polshaning feodal tarqoqligiga chek qo‘ygan Kazimir III ga Krakovda qirollik toji kiydirildi.
• 1607-yil — Gibraltardagi jangda niderland floti ispan floti ustidan g‘alaba qozondi.
• 1719-yil — Londonda Daniel Defoning «Robinzon Kruzo» romani birinchi marta nashr etildi.
• 1792-yil — Ruje de Lil Reyn armiyasi uchun jangovar qo‘shiq yozdi. Hozir u «Marseleza» sifatida mashhur.
• 1792-yil — Fransiyada gilotina qatl quroli sifatida birinchi marta qo‘llandi.
• 1808-yil — Sharqiy Yevropadagi birinchi — Praga konservatoriyasi ochildi.
• 1816-yil — o‘zi haqidagi mish-mishlardan to‘yib ketgan Jorj Bayron Angliyani butunlay tark etdi.
• 1826-yil — Angliyada ichki yonuv dvigatelli ilk avtomobilga patent olindi.
• 1839-yil — ingliz armiyasi Qandahor(Afg‘oniston)ga bostirib kirdi.
• 1859-yil — Port-Saidda fransuz muhandisi va diplomati Ferdinand Lesseps boshchiligida Suvaysh kanalini qazish boshlandi.
• 1867-yil — Yaponiyaning Tokio porti birinchi marta xorijiy savdolar uchun ochildi.
• 1901-yil — Nyu-York shtatida dunyoda birinchi bo‘lib avtomobillarga raqam berish boshlandi.
• 1931-yil — Ferdinand Porshe «Porsche» avtomobilsozlik kompaniyasiga asos soldi.
• 1944-yil — AQSh generali Jorj Patton Angliya va AQShning taqdiri — «dunyoni boshqarish» deya ta’kidladi.
• 1945-yil — San-Fransisko xalqaro konferensiyasida 50 mamlakat vakillari BMT nizomi ustida ish boshladi.
• 1945-yil — Elbada sovet-amerika qo‘shinlari uchrashdi.

• 1953-yil — «Nature» jurnalida ingliz olimlari Frensis Krik va Jeyms Uotsonning DNK tuzilishi modelini yaratgani haqidagi maqola chiqdi. 1954-yil — «Bell telefon» (AQSh) kompaniyasining laboratoriyasida ilk quyosh batareyasi yaratildi.

• 1974-yil — «Chinnigullar inqilobi» g‘alaba qozondi. Portugaliyada fashistlar tuzumi ag‘darildi.

• 1997-yil — dasturchilarning xatosi tufayli Floridada internet tarixidagi eng katta uzilish yuz berdi.

• 2005-yil — Bolgariya va Ruminiya Yevropa ittifoqiga a’zo bo‘lish haqidagi shartnomani imzoladi.
• 2005-yil — Amagasaki halokati (Yaponiya): tezlikni oshirib yuborish oqibatida izdan chiqib ketgan yo‘lovchi poyezdi ko‘p qavatli avtomobillarni qo‘yish binosiga borib urildi; qurbonlar soni — 107 kishi.
• 2015-yil — Nepalda 7,8 balli zilzila sodir bo‘ldi. Yer silkinishlari 28-aprelgacha davom etib turdi. Nepalda 8151 kishi nobud bo‘ldi, jarohatlanganlar — 17 868 kishi, jami talafot ko‘rganlar soni 8 million kishidan oshgan. Shuningdek, Hindistonda 69, Xitoyda 25 kishi halok bo‘lgan.

Tavallud kunlari

• 1214-yil — Lyudovik IX, Fransiya qiroli.
• 1284-yil — Eduard II, Angliya qiroli.
• 1599-yil — Oliver Kromvel, Angliya, Irlandiya va Shotlandiya lord-protektori.
• 1874-yil — Gulelmo Markoni, italyan radiotexniki va tadbirkori.
• 1907-yil — Herbert Mater, amerikalik dizayner, reklamaga fotomontajni olib kirgan.
• 1928-yil — Yuriy Yakovlev, aktyor.
• 1940-yil — Al Pachino, Hollivud yulduzi.
• 1947-yil — Yohan Kroyf, taniqli futbolchi va murabbiy («Ayaks», «Barselona»).
• 1952-yil — Vladislav Tretyak, xokkey darvozaboni, uch karra olimpiada g‘olibi.
• 1954-yil — Muhammad Yusuf, O‘zbekiston xalq shoiri (2001-yilda vafot etgan)
• 1963-yil — Devid Moyes, shotland futbolchisi va murabbiyi.
• 1969-yil — Rene Zellveger, amerikalik aktrisa.
• 1981-yil — Felipe Massa, braziliyalik «Formula-1» poygachisi.