Qashqadaryodan go‘sht olib kelishni va’da qilib 150 ming dollarga chuv tushirgan shaxs qo‘lga olindi
Toshkent shahrining Mirzo Ulug‘bek tumanida 2018 yil 7 noyabr kuni IIBga tushgan hujjatlarga ko‘ra, shu yil iyun oyida Qashqadaryo viloyati Qarshi shahrida yashovchi Z.B. Buyuk Ipak yo‘li ko‘chasida joylashgan «Korzinka» supermarketi oldida tanishi, Qorasuv 1-dahada yashovchi M.M.ga Qashqadaryo viloyatidan go‘sht mahsulotlarini olib kelib, Toshkent shahrida birgalikda sotishini aytib, aldov yo‘li bilan undan 150 000 AQSh dollarini olib ketgan va va’dasini bajarmay pullarni o‘z ehtiyojlari yo‘lida ishlatib yuborgan.
O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasining ma’lum qilishicha, holat yuzasidan jinoyat ishi qo‘zg‘atilgan. Ko‘rilgan choralar natijasida Z.B. qo‘lga olingan. Tergov davom etmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter