Eron havo hududining yopilishi munosabati bilan bir qator reyslar Toshkentga qo‘ndi
Eron havo hududining yopilishi sababli bir necha reyslar Toshkentdagi xalqaro aeroportga qo‘nishga majbur bo‘ldi.
Xususan, «Uzbekistan Airways» aviakompaniyasining Toshkent – Jidda yo‘nalishidagi HY5343 reysi soat 06:18 da, «Fly Dubai» aviakompaniyasining Toshkent – Dubay yo‘nalishidagi FZ1942 reysi mahalliy vaqt bilan soat 06:37 da Toshkent xalqaro aeroportiga qaytib qo‘ndi.
Shuningdek, «Air Cairo» aviakompaniyasining Olmaota – Sharm-ash-Shayx yo‘nalishidagi SM882 reysi (07:46) va «Qatar Airways»ning Seul – Doxa yo‘nalishidagi QR8985 reysi (07:57) Toshkent aeroportiga favqulodda qo‘nishni amalga oshirdi.
«Centrum Air» aviakompaniyasining Toshkent – Doxa yo‘nalishidagi C63341 reysi esa kechiktirildi. Yo‘lovchilar vaqtincha terminalga joylashtirildi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter