Toshkent shahar hokimi muxbirning savoliga javob bera olmay juftakni rostladi (video)
Toshkent shahar hokimi Jahongir Ortiqxo‘jayev muxbirning savoliga javob bera olmay, suhbat jarayonidan qochib ketdi.
QALAMPIR.UZ jurnalisti Feruza Najmiddinova poytaxtda reklama bannerlari nima uchun sud qarorisiz, shunchaki olib tashlanayotgani haqida hokimdan so‘radi. Har qanday tadbirkorlarni qo‘llab-quvvatlashga tayyorligini bayon etgan hokim ushbu savolga qanday javob berishni bilmay, juftakni rostlab qoldi.
Eslatib o‘tamiz, shu kunlarda poytaxtning barcha ko‘chalarida reklama bannerlari buzilmoqda.
Hatto, Toshkentda tadbirkorlar reklama bannerlarining sud qarorisiz, noqonuniy buzilishini to‘xtatishni so‘rab Shavkat Mirziyoyevga murojaat qilishgandi. Poytaxt ko‘chalarida ushbu vaziyatga e’tiborni qaratish uchun bir qancha reklama bannerlari paydo bo‘lgandi.
Ammo ko‘p vaqt o‘tmay, o‘sha bannerlar ham buzib tashlandi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter