Haydovchimi yo yo‘lovchi: kamar taqmaslik bo‘yicha jazoga aniqlik kiritildi
Yo‘l harakati xavfsizligi xizmati boshqarmasi boshlig‘i o‘rinbosari Murod Sheraliyev avtomobilning old o‘rindig‘idagi yo‘lovchi xavfsizlik kamarini taqmasa, jarimani o‘zi to‘lashi kerakligini aytgan. Bu masalani Xabar.uz sayti ko‘tarib chiqqandi.
«Haydovchining majburiyatlari yo‘l harakati qoidalarida alohida ko‘rsatib o‘tilgan. Haydovchi oldindagi yo‘lovchini xavfsizlik kamarini taqishi uchun ogohlantirishi kerak, undan keyin yo‘lovchi kamarni taqmasa, uning o‘ziga chora ko‘riladi, haydovchiga emas», — degan YHXX boshqarma boshlig‘i o‘rinbosari.
Murod Sheraliyev yo‘lovchiga chora ko‘rilishiga batafsil to‘xtalmagan. Masalan, qanday jazo turi qo‘llaniladi: jarimami, ogohlantirish yoki boshqami?
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter