Toshkentda «Matiz» o‘quvchini urib yubordi. Piyoda vafot etgan
Joriy yilning 16-may kuni taxminan soat 19:00 larda Uchtepa tumani, Lutfiy ko‘chasida, haydovchi 1992-yilda tug‘ilgan M.A. ishonch qog‘ozi asosida «Matiz» avtomashinasida harakatlanib, tartibga solinmagan piyodalar yo‘lagidan o‘tayotgan piyodani urib yuborgan.
Bu haqda Toshkent shahar IIBB xabar bermoqda.
Natijada piyoda, 2011-yilda tug‘ilgan maktab o‘quvchisi E.Q. olgan tan jarohatlari sababli kasalxonaga olib ketilayotgan vaqtda vafot etgan.
Mazkur holat yuzasidan, Toshkent shahar IIBB Tergov boshqarmasi tomonidan O‘zbekiston Respublikasi Jinoyat kodeksining 266-moddasi 2-qismi bilan jinoyat ishi qo‘zg‘atilgan. Tergov davom etmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter