Maradona kasalxonada — u JCh-2018ni sharhlashga keladimi?
Ayni paytda Brestning «Dinamo» klubi boshqaruvi raisi lavozimini band etib turgan argentinalik futbolchi Diyego Maradona Kolumbiyaning Kali shahridagi kasalxonaga tizzasini ko‘rikdan o‘tkazish uchun kelgan. Bu haqda «Bagnet.org» xabar bermoqda.
Ta’kidlanishicha, 57 yoshli argentinalikka to‘rt oydan beri tizzasidagi og‘riq azob berib kelgan.
«Maradonaning tizzasi umumiy ko‘rikdan o‘tkaziladi. Jarrohlik amaliyoti yoki davolanish haqidagi xulosaga tashxisdan so‘ng kelamiz», — degan taniqli shifokor Herman Ochoa.
Ma’lumotlarga ko‘ra, futbol afsonasi olti-sakkiz kun shifoxonada bo‘ladi. Eslatib o‘tamiz, Maradona JCh-2018 o‘yinlarini sharhlab borishi rejalashtirilgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter