Toshkentda haydovchilik guvohnomasiga ega bo‘lmagan o‘smir 3 ta mashina ishtirokidagi YTHga sabab bo‘ldi
Toshkentda «Nexia-3», «Cobalt» va «Lacetti» ishtirokida YTH ro‘y berdi. Bu haqda shahar IIBB xabar bermoqda.
Xabarda qayd etilishicha, 2018-yilning 21-iyun kuni soat chamasi 16.30 larda Shota Rustaveli ko‘chasida 3 ta avtomobil ishtirokida to‘qnashuv yuz bergan. To‘qnashuv oqibatida jabrlanganlar va qurbonlar yo‘q. Biroq avtomashinalar jiddiy talafot yetgan.
«Cobalt» va «Lacetti» haydovchilarining ma’lum qilishicha, «Nexia-3» haydovchisi svetoforning qizil chirog‘ida ularning orasidan o‘tib ketmoqchi bo‘lgan. Natijada YTH yuzaga kelgan.
«Nexia-3» haydovchisi 18 yoshda bo‘lib, haydovchilik guvohnomasiga ega bo‘lmagan. Mashina esa o‘smirning onasiga tegishli bo‘lgani aniqlangan.
Toshkent shahar IIBBning xabar berishicha, hozir YPX xodimlari tomonidan hodisa sabablari o‘rganilmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter