«Audi» yangi krossoverining tizerini namoyish etdi
«Audi» kompaniyasi o‘zining nomi hozircha e’lon qilinmagan yangi krossoverining ilk tizer suratini namoyish etdi. Taxminlarga ko‘ra, ushbu tizer «Q8» modeliga tegishli bo‘lishi mumkin, deb xabar beradi «NV.ua».
Tizerda avtomobil modeli ko‘rsatilmagan bo‘lib, ostida quyidagi izoh yozilgan: «Unda «Audi» geni mavjud». Biroq bir qarashda gap yo‘ltanlamas haqida ketayotganini bilish mumkin; baland joylashgan kuzov va katta g‘ildiraklar avtomobil proporsiyasini darhol bildirib qo‘yadi. Ammo detallarning aksariyat qismi berkitilgan.
Ko‘rinishidan mashina dizayni 2017-yilning Jeneva avtosalonida namoyish etilgan «Q8 Sport» prototipi konseptini to‘liq takrorlaydi. Yangi «Audi Q8» krossoverining asosida Audi Q7, Porsche Cayenne va Volkswagen Touareg mashinalari yaratilgan «MLB Evo» platformasi yotadi.
Tasdiqlanmagan ma’lumotlarga ko‘ra, krossover dizelli V6 va benzinli V8 dvigatellarida harakatlanadi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter