Хитой квант компьютерлар соҳасида «иккинчи мамлакат»га айланди
«Синьхуа» агентлиги хабар беришича, Хитой фан-техника университети олимлари квант ҳисоблаш машинасининг прототипи — «Цзючжан» (Jiuzhang)ни ишлаб чиқишди, бу шу пайтгача яратилган тизимлар орасида энг тез ишлайдигани.
Академик Пань Цзяньвэй бошчилигидаги олимлар яратган тизим фотонлар билан ишлайди, у квант вазифани ечиш — гаусс бозонларини танлашга қаратилган.
76 фотонли тизим учун ечимни квант компьютер 200 сонияда топиб берди. Анъанавий суперкомпьютерлар, масалан, «TaihuLight» (Хитой) бу вазифани 2,5 млрд. йилда уддалаган бўларди.
Таъкидлаш ўринлики, Хитойнинг фотон тизими хона ҳароратида ҳам ишлайди, ҳолбуки, бунгача таклиф этилган квант компьютерлар анча паст ҳароратни талаб этарди. Кузатувчиларга кўра, Пань Цзяньвэйнинг компьютери ҳозирча бир тоифа вазифаларни бажара олади.
Ушбу янгилик квант компьютерлар соҳасида Хитойни дунёдаги «иккинчи мамлакат»га айлантирди, деб ёзмоқда «Синьхуа».
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter