Beeline Uzbekistan (NASDAQ биржасида рўйхатга олинган VEON Group таркибига киради) Ўзбекистоннинг иқтидорли ёш IT-мутахассисларни қўллаб-қувватлайди. Рақамли оператор томонидан тақдим этиладиган грантлар дастур иштирокчиларига Astrum IT-академиясида ўқиш ва ахборот ва киберхавфсизлик соҳасида ўз малакаларини оширишга ёрдам беради.

Ўзбекистондаги энг йирик хорижий инвестор ва солиқ тўловчилардан бири Beeline Uzbekistan Astrum IT Academy ҳамкори сифатида профессионал ўқув дастурини қўллаб-қувватламоқда. Дастурда иштирок этиш учун саралаш танловидан ўтганларга оператор томонидан умумий қиймати 1 миллиард 200 миллион сўмлик 50 та грант ажратилади.

Astrum IT Academy курси янги бошлаган ва ахборот ресурсларини ҳимоя қилиш бўйича тажрибали мутахассислар учун мос бўлган модуллардан иборат. Улар хакерларнинг қандай ишлашини ўрганадилар ва компьютер тизимларига ташқи ҳужумларга самарали қаршилик кўрсатиш кўникмаларига эга бўладилар, шунингдек, PYTHON тилида дастурлашни ўрганадилар. Назария ўқиш вақтининг тахминан 10% ни эгаллайди, қолган 90% эса — амалиётдир. Курсни тугатгандан сўнг, талабалар  киберхавфсизлик илмий бирлашмаси сертификатига эга бўлишади.

Номзодларга қўйиладиган талаблар: 18 ёшдан 30 ёшгача бўлишлари ва шунингдек инглиз ҳамда рус тилларини билишлари лозим. Аризалар қабули 4 cентябрда бошланиб, 22 сентябрда якунланади. Энг яхши 50 нафар номзодни танлаш махсус комиссия томонидан амалга оширилади, унинг таркибига Astrum IT Academy вакиллари, digital-операторнинг HR ва CYBER Security гуруҳлари аъзолари киради. Тренинг 9 октябрдан 24 ноябргача давом этади. Курсларни муваффақиятли тамомлаганларга Beeline Uzbekistan'да стажировка ўташ ва ишга жойлашиш имконияти таклиф этилади.

«Ўзбекистон иқтисодиётининг барча жабҳаларини қамраб олган рақамли трансформация компаниялар ва давлат муассасаларининг рақамли активларини самарали ҳимоя қилишга қодир кадрларни тайёрлаш зарурлигини таъкидлайди. Биз томондан тақдим этилаётган грантлар IT соҳасида ишлаётган энг фаол ва муваффақиятга интилувчан ёш мутахассисларни қўллаб-қувватлашга қаратилган. Ишончим комилки, бу уларга юқори профессионал муваффақиятларга эришишда ёрдам беради», — дея дастур ҳақида фикр билдирди Beeline Uzbekistan бош директори Анджей Малиновски.

Янги дастур ўқитувчилари сафига ушбу соҳада катта тажрибага эга бўлган қуйидаги тренерлар кирган:

Сергей Симонов — пентестер ва киберхавфсизлик илмий ассоциацияси ўқитувчиси, Оmedia компаниясида DevOps муҳандиси;
Арчил Шенгелиа — Cisco ва CompTIA сертификатланган инструктори, Кавказ университети негизида яратилган WMware, Microsoft ва Fortinet расмий тармоқ академиялари менежери;
Максим Явич — Кавказ университети профессори, киберхавфсизлик бўлими бошлиғи, Киберхавфсизлик илмий уюшмаси (SCSA) президенти;
Венера Аюбжанова – Ўзбекистон Республикаси Киберхавфсизлик маркази мутахассиси.

«Бугунги кунда Академияда Data Science, Full Stack ва Software Engineering каби IT йўналишлари бўйича йилига 1000 дан ортиқ кичик мутахассислар тайёрланмоқда. Ишончимиз комилки, иқтисодиётнинг барча тармоқларини рақамлаштириш ҳар куни тўпланган ва фойдаланиладиган маълумотлар хавфсизлигига мос келиши керак. Шу боис Аструм тренингга нафақат хорижий мутахассисларни, балки ушбу соҳадаги етакчи компанияларни ҳам жалб этишга қарор қилди. Биз Beeline Uzbekistan'ни мамлакатимиз учун шундай муҳим лойиҳада кутиб олганимиздан чин дилдан хурсандмиз!» — деди Astrum IT Academy асосчиси Ботир Арифжонов Beeline Uzbekistan'нинг лойиҳадаги иштироки ҳақида .

Курс якунида талабалар ахборот хавфсизлигини ҳисобга олган ҳолда, компьютер тармоқларини қуриш, кибермакондаги таҳдидлар ва хакерлар, жумладан киберразведка ва маълумотларни шифрлаш ҳақида чуқур тушунчага эга бўладилар. Улар тизимлар ва ташкилотларнинг веб иловаларида заифликларни қидириш ва таҳлил қилишни ўрганадилар, шунингдек, компьютер тизимлари ва иловаларини бузиш бўйича амалий кўникмаларга эга бўладилар. Бундан ташқари, талабалар ахлоқий хакерлик ва кибермакондаги қонуний фаолият ҳақида билиб олишади. Шунингдек, улар ASTRUM HUB кибермашғулот полигонининг мусобақалари ва конференцияларида ҳамда халқаро майдонларда BLUE ва RED жамоалари таркибида иштирок этиш имкониятига эга бўладилар.

Қўшимча маълумот олиш ва грантга ариза бериш учун қуйидаги ҳавола орқали ўтинг: http://astrum.uz/cyber_security.

***
Unitel МЧЖ 2006 йилнинг 12 сентябридан бошлаб Beeline Uzbekistan савдо белгиси остида хизматлар кўрсатиб келмоқда. Beeline Uzbekistan бош қароргоҳи Амстердам (Нидерландия) шаҳрида жойлашган VEON халқаро телекоммуникация холдинги таркибига киради.

VEON 6 мамлакатда 160 миллиондан ортиқ абонентга эга глобал телекоммуникация ва интернет хизматларини провайдери. Унинг акциялари NASDAQ ва Euronext Amsterdam фонд бозорларида жойлашган.

Beeline Uzbekistan'да 1,6 мингга яқин ходим ишлайди. 2006 йилдан буён Ўзбекистон бозорига кириши билан VEON мамлакат телекоммуникация соҳасига 1,4 миллиард АҚШ долларидан ортиқ сармоя киритди. Unitel МЧЖ — Ўзбекистоннинг йирик солиқ тўловчи компанияларидан бири. Beeline СБ'нинг Ўзбекистондаги фаолияти давомида 2 миллиард доллардан ортиқ солиқ тўланган.

Сайт: beeline.uz
Facebook: @beeline.uz
Instagram: @beeline_uzbekistan
Telegram: @beelineuzbekistan
Twitter: @beeline_uz
LinkedIn: @beeline-uzbekistan