Инновация вазири Буюк Британиянинг «Wiley» компанияси делегациясини қабул қилди
Ўзбекистон Инновацион ривожланиш вазири Иброҳим Абдураҳмонов Буюк Британиянинг «Wiley» компанияси вакиллари билан учрашди. Бу ҳақда вазирликнинг «Facebook»даги саҳифасида хабар берилди.
«Daryo.uz» нашрининг ёзишича, учрашув чоғида давлат илмий-техник дастурини амалга оширишда узоқ муддатли ҳамкорликни ўрнатиш масалалари муҳокама қилинган. Шунингдек, халқаро илмий-тадқиқот маълумотлар базалари ва инновациялардан фойдаланиш, илмий ва юқори малакали кадрларни тайёрлашда ҳамкорлик масалалари ҳам музокаралар марказида бўлган.
Учрашув якунига кўра, ўзбек олимлари, мутахассислари, талабалари учун «Wiley»нинг илмий-тадқиқот базаси ва кутубхонасидан фойдаланиш имкониятини яратиш учун биргаликда иш олиб бориш бўйича келишувларга эришилди.
Инглиз компанияси Ўзбекистонда ҳамкорликда мастер-класс ва тренинглар ташкил қилиш юзасидан ҳамкорликка қизиқиш билдирди. Бунда «Wiley»нинг Илмий-тадқиқот Академиясини жалб қилиш кўзда тутилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter