«Ҳамёнбоп, салкам флагман»: «Motorola» 108-мегапикселли смартфонларини тақдим этди

Мобил телефонлар бозоридаги энг эски бренд — «Motorola» унча кутилмаган ва кўзга ташланмаган тақдимотини ўтказди. Ушбу бренд остида «унча қимматмас, бироқ салкам флагман» тоифасига кирувчи смартфонлар тақдим этилгани ҳақида «Вести» хабар берди.
«Edge 20» номи остидаги ушбу смартфонлар учта моделдан иборат: Pro, оддий ва Lite. Барчаси 5G ни қўллаб-қувватлайди. Уларнинг барчасида 108 мегапикселли камералар ўрнатилган — ҳамёнбоп смартфонлар учун анчайин юқори сакраш.
Pro моделининг процессори кучлироқ, оператив хотираси каттароқ, камераси учталик, уларнинг биттаси беш карралик зумга эга, тузилиши бўйича — перископ, бунақаси «Motorola» тарихида бўлмаган.
Янгиланиш частотаси 144 герцлик дисплейи ўйинларга мўлжалланган мониторлар биллан беллаша олади. Қолаверса, Pro талқини 8К ўлчамли видеолар олишга мўлжалланган. Оддий ва Lite моделлари, номи ҳам айтиб турибди, нисбатан оддийроқ ва арзонроқ.
Хабарда айтилишича, смартфонлар учун 30–60 минг рубль (400–800 доллар атрофида) нарх чегараси белгиланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter