Баъзи ҳолатларда флешкада бўш жой кўп бўлса-да, керакли файлни унга кўчириб бўлмайди. Бу каби ҳолатлар одатда ҳажми 4 гигабайтдан ортиқроқ бўлган файллар билан содир бўлади.

«Windows» фойдаланувчиларининг ишчи ойнасида «Мазкур файлнинг ҳажми жуда катта…» ёзуви чиқиб қолади. «macOS»дан фойдаланувчиларда эса бу каби ҳолатда «Ушбу объектни кўчиришнинг иложи бўлмаяпти» мазмунидаги хатолик пайдо бўлади.

Мазкур ҳолатлар 4 гигабайтдан ортиқ бўлган маълумотларни ёзиб олишни қўллаб-қувватламайдиган файллар тизими омбори FAT32 (ёки MC-DOC) бўлганида юзага келади. Чекловни бартараф этиш учун флешкани форматлаб, файл тизимини ўзгартириш керак.

Агарда сиз «Windows» операцион тизимидан фойдалансангиз «проводник»ни очиб, сичқончанинг ўнг тугмасини босган ҳолда флешкани «форматлаш»ни танланг. Очилган ойнада файл тизимини «NTFS»га ўзгартиринг.

Шу билан бирга «Тезкорлик билан форматлаш»ни белгилашни унутманг.

Агарда сиз «macOS»дан фойдалансангиз, диск утилитасини ишга туширинг: Finder → «Дастур» → «Утилита» → «Диск утилитаси». Ён панелдаги флешка белгисини танланг ва унинг тепасидаги «ўчириш» белгисини босинг. Кейинги ойна орқали «Маc ОС Extended» форматини белгиланг.

«Ўчириш» тугмасини босиб, форматлаш жараёни тугашини кутинг.

Шундан сўнг исталган ҳажмдаги файлларни флешкага сиққунича кўчириб ўтказишингиз мумкин.