Энг яхши камерофон тақдим этилишига саноқли кунлар қолди
Бир неча ой аввал Honor янги смартфонлар туркуми — Honor Magic 4ни Хитойда тақдим этганди. Gizmochina ёзишича, cаноқли кунлардан сўнг ушбу смартфон бошқа мамлакатларда ҳам сотувга қўйилади.
Компания эълон қилган тизерга кўра, янгиланган туркумнинг, жумладан, смартфон Pro-версиясининг глобал тақдимоти 12 май санасига белгиланган.
Honor Magic 4 Proнинг 6,81 дюймли OLED-дисплейи LTPO 2.0 технологиясига мансублиги боис, янгиланиш частотаси 120 Гц гача етади.
Телефоннинг асосий камераси уч модулдан иборат — 50, 50 ва 64 Мп. Фронтал камераси 12 мегапикселли.
Magic 4 Pro смартфони Snapdragon 8 Gen 1 процессорида ишлайди, хотираси: оператив — 12 ГБ, ички — 512 ГБ.
DxOMark мутахассисларининг фикрича, Honor Magic 4 Ultimate дунёдаги энг яхши камерофон (камераси энг яхши смартфон) ҳисобланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter