«Boeing» 227 килограммгача юкни ташишга мўлжалланган дронни яратди
«Boeing» компанияси муҳандислари 227 килограммга яқин юкни ташишга мўлжалланган дрон прототипини яратди, деб хабар берди «ITC.ua».
Мутлақ электрлаштирилган қурилманинг 8 та пропеллери мавжуд. Қурилманинг базавий конструкцияси асосан металл ва батареялардан ташкил топган анча йирик ҳажмга эга. Унинг ўлчами 4,6х5,5х1,2 метрга тенг ва оғирлиги салкам 339 килограмм.
Дронни яратиш устида «Boeing» муҳандислари 3 ой меҳнат қилди ва синов парвозларини ўтказишга ҳам улгуришди.
«Boeing»нинг юк ташишга мўлжалланган дронлари устида «Aurora Flight Sciences» лойиҳаси билан бир вақтда иш олиб борилмоқда. У ўзи бошқариладиган дронлар ва самолётларни яратишга мўлжалланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter