АКТ вазири Хитой элчиси билан онлайн мулоқот ўтказди
23 октябрь куни Ахборот технологиялари ва коммуникацияларини ривожланитириш вазири Шуҳрат Содиқов ва ХХРнинг Ўзбекистондаги элчиси Сзян Ян ҳоним ўртасида онлайн мулоқот бўлиб ўтди. Бу ҳақда вазирлик матбуот хизмати хабар берди.
Ш. Содиқов таъкидлаганидек, давлатларимиз ўртасида турли иқтисодий соҳаларда ҳамкорлик олиб борилиб, жумладан АКТ соҳасида тажриба алмашилмоқда.
Учрашув чоғида электрон ҳукумат, ахборот технологиялари, технопарклар ва инновация марказларини ривожлантириш ҳамда бошқариш, IT таълим ва энг янги технологияларни жорий этиш масалаларининг жорий ҳолати ва истиқболдаги ҳамкорликни ривожлантириш бўйича фикр алмашилди.
Онлайн мулоқот давомида томонлар ахборот технологиялари соҳасида Ўзбекистон ва Хитой ўртасида ҳамкорликни янада ривожлантириш бўйича улкан салоҳият мавжудлиги ҳамда бу борада барча саъй-ҳаракатларни сафарбар этишга тайёр эканликларини билдирдилар.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter