«UWED MUN 2018» талабалар анжуманида иштирок этиш учун аризалар қабули бошланди
Жорий йилнинг 11—13 май кунлари Жаҳон иқтисодиёти ва дипломатия университети навбатдаги «Model United Nations» анжуманига мезбонлик қилади.
Анжуман мамлакатнинг турли университетларидан келган илғор талабаларни бир жойга жамлайди.
«Model United Nations» — ёшлар анжумани бўлиб, унда қатнашчилар БМТ фаолиятини симуляция қилган ҳолда ўзларининг дипломатия ва халқаро муносабатлар соҳасидаги билимларини мустаҳкамлайдилар.
Анжуман қатнашчилари ташкилотчилар томонидан таклиф этилган БМТ қўмиталарининг биридаги аъзо-давлат делегати сифатида иштирок этадилар ва музокаралар давомида ўша давлат манфаатларини ҳимоя қиладилар.
Анжуманда иштирок этиш учун «mun.uwed.uz» манзили орқали рўйхатдан ўтиш лозим бўлади.
Тадбирни, шунингдек, ижтимоий тармоқлардаги саҳифалар орқали ҳам кузатиб боришингиз мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter