Фарғонада Латвиянинг Ахборот тизимлари менежменти Олий мактаби филиали очилади
Латвиянинг Ахборот тизимлари менежменти Олий мактабининг Фарғона шаҳридаги филиалини ташкил этиш тўғрисидаги Президент қарори қабул қилинди. Бу ҳақда Адлия вазирлигининг «Ҳуқуқий ахборот» канали хабар берди.
Республиканинг туризм тармоғини ривожлантириш бўйича муҳим вазифаларни ҳал этишга қодир бўлган мутахассислар тайёрлаш Филиал фаолиятининг асосий вазифалари сифатида белгиланди.
Филиалда ўқитиш тўлов-контракт асосида Ўзбекистон давлат таълим стандартлари талаблари инобатга олинган ҳолда кўпроқ инглиз тилида кундузги шаклда амалга оширилади.
Филиал битирувчиларига Ўзбекистонда олий таълим тўғрисидаги ҳужжат сифатида тан олинадиган Олий мактабнинг белгиланган намунадаги дипломи берилади.
2018–2020 ўқув йилида Филиал Фарғона давлат университетида фаолият олиб боради.
Филиалга қабул квоталари Олий мактабнинг Олий ва ўрта махсус таълим вазирлиги билан келишилган ҳолда Ҳукумат қарори билан тасдиқланади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter