«Mercer» консалтинг компанияси яшаш учун энг яхши ва оғир шароитли шаҳарлар рўйхатини тузди. Умргузаронлик қилиш учун керакли шароит, жамоат транспорти ва бошқа кўрсаткичлар ҳисобга олинди.

Веналиклар — дунёдаги энг бахтли инсонлар. Австрия пойтахти яшаш учун керакли барча шароитларга эга шаҳарлар етакчиcи. Цюрих ва Ванкувер ҳақида ҳам худди шундай дейиш мумкин

Энг яхши шаҳарлар:

1. Вена (Австрия)
2. Цюрих (Швейцария)
3. Ванкувер (Канада)
4. Мюнхен (Германия)
5. Окленд (Янги Зеландия)
6. Дюссельдорф (Германия)
7. Франкфурт (Германия)
8. Копенгаген (Дания)
9. Женева (Швейцария)
10. Базель (Швейцария).

Не не улкан салтанатларга пойтахт бўлган афсонавий Бағдоддан бугун асар ҳам қолмаган. Консалтинг компанияси Бағдодни ҳаёт сифати бўйича энг ёмон шаҳар деб топди. Ироқ пойтахти 231-ўринда (рўйхатнинг охирида).

Ҳатто Марказий Африка Республикаси пойтахти Банги ҳам Бағдоддан битта олдинда.

Яман пойтахти Сана эса 229-ўринда  жойлашди.

Энг ёмон шаҳарлар

1. Бағдод (Ироқ, 231-ўрин)
2. Банги (МАР, 230)
3. Сана (Яман, 229)
4. Порт-о-Пренс (Гаити, 228)
5. Хартум (Судан, 227)
6. Нжамена (Чад, 226)
7. Дамашқ (Сурия, 225)
8. Браззавиль (Конго, 224)
9. Киншаса (Конго ДР, 223)
10. Конакри (Гвинея, 222).

«Mercer» рўйхатида пойтахтимиз ва «яқин хориж» шаҳарлари ҳам бор: Вильнюс 81-ўринда, Таллин 86, Рига 90, Истанбул 130, Москва 167, Олмаота 177, Боку 195, Тошкент 203, Бишкек 206, Ашхобод 211, Душанбе 215-ўринда.