Елизавета Шиллер: «Ўзбеклар мен каби юз минглаб уруш жабрдийдаларига қайноқ бағридан жой берган» (фото + видео)
Болалигининг энг шодон, қувончли кунларини асирликда, фашистларнинг концлагерида ўтказган Елизавета Михайловна учун бу дориломон кунларнинг қадри ўзгача. Етимликда вояга етиб, ўз ҳаётини мустақил қуришга одатланган, бахтини Ўзбекистондан топган аёл учун соҳа вакилларининг ташрифи ҳар гал байрамга айланиб кетади. Бу гал ҳам шундай бўлди.
Концлагер асираси, олмалиқлик Елизавета Шиллер: «У машъум кунлар ҳамон тушларимга кириб чиқади»
Елизавета Шиллернинг пешонасига ҳам уруш машаққатлари, асирликнинг чидаш оғир бўлган қийинчиликлари ёзилган экан. Фашистлар у яшаётган қишлоқни аввалига остин-устун қилишади. Сўнгра катталарни алоҳида, болаларни эса алоҳида қийноқхоналарга жойлашади.
