Yelizaveta Shiller: «O‘zbeklar men kabi yuz minglab urush jabrdiydalariga qaynoq bag‘ridan joy bergan» (foto + video)
Bolaligining eng shodon, quvonchli kunlarini asirlikda, fashistlarning konslagerida o‘tkazgan Yelizaveta Mixaylovna uchun bu dorilomon kunlarning qadri o‘zgacha. Yetimlikda voyaga yetib, o‘z hayotini mustaqil qurishga odatlangan, baxtini O‘zbekistondan topgan ayol uchun soha vakillarining tashrifi har gal bayramga aylanib ketadi. Bu gal ham shunday bo‘ldi.
Konslager asirasi, olmaliqlik Yelizaveta Shiller: «U mash’um kunlar hamon tushlarimga kirib chiqadi»
Yelizaveta Shillerning peshonasiga ham urush mashaqqatlari, asirlikning chidash og‘ir bo‘lgan qiyinchiliklari yozilgan ekan. Fashistlar u yashayotgan qishloqni avvaliga ostin-ustun qilishadi. So‘ngra kattalarni alohida, bolalarni esa alohida qiynoqxonalarga joylashadi.
