Фуқароларимизни ўз ватанига қайтариш Ўзбекистон Республикаси Ҳукуматининг бевосита мажбуриятидир ва ушбу мақсадлар учун чора-тадбирларни амалга ошириш фақат инсонпарварлик нуқтаи назаридан келиб чиқади.

Жабрдийдаларнинг орасида олий маълумотли, тўрт-бешта тилни биладиган аёллар ҳам борлиги кишини ҳайрон қолдиради.

2013 йилнинг ноябрида Сурияга қараб йўл олдик. Бизларни даставвал автобусда чегарагача олиб боришди. Сўнгра чегарадан у томонга пиёда олиб кетишди. Сурияда 2 йилча яшаганимиздан сўнг уруш бошланди. Яшаётган уйларимиз ер билан яксон қилинди. Жон сақлаш учун ҳар томонга зир югурдик. Самолётдан ташланган бомбадан жароҳат олдим.

Улар учун Халқ таълими вазирлиги томонидан Тошкент вилоятида махсус мобил мактаб ташкил этилди. Ўқувчилар ёшидан келиб чиқиб, бошланғич ва юқори синфларда таълим-тарбия олмоқда.

Зиддиятли ҳудудлардан қайтган ватандошларимизни ижтимоий реабилитация ҳамда соғломлаштириш мақсадида Тошкент вилояти ҳудудидаги санаторийда 154 нафар фуқарога тегишли ёрдам кўрсатилиб, 1 нафар фуқаро соғлиғи туфайли шифохонада даволанмоқда.