Бундан буён депутат ва сенаторларнинг Вазирлар Маҳкамаси, давлат органларига юборадиган сўровлари тизимли равишда Бош вазир ҳузурида муҳокама қилиниб, сўровда қўйилган масалаларни ҳал этиш чораларини кўриш устувор масала сифатида кўрилади.

Ўзбекистон Республикаси Олий Мажлиси Қонунчилик палатасининг Регламентига асосан, ҳудудларда депутатлар аҳоли билан юзма-юз учрашувлар ўтказмоқда. Учрашувлар давомида шаҳар ва тумандаги ижтимоий-иқтисодий аҳвол ҳамда маҳаллаларда аҳоли эътирозларига сабаб бўлаётган бир қатор долзарб муаммолар билдирилди.

Олий Мажлис Қонунчилик палатаси депутати У.Саматовнинг Шайхонтоҳур туманидаги «Каттаҳовуз», «Сузук ота», «Эшонгузар», «Янги Камолон», «Камолон» маҳаллалари аҳолиси билан юзма-юз мулоқоти чоғида қатор муаммолар юзага қалқиб чиққан эди.

Олий Мажлис Қонунчилик палатаси депутати, ЎзЛиДеП фракцияси аъзоси Расул Кушербаев Тошкент ҳокими в. б. Жаҳонгир Ортиқхўжаевга ҳамда «Ўзшаҳар қурилиш инвест» директори З. Нарзуллаевга Сергели туманида қурилаётган арзон уй-жойлар нархи юзасидан депутатлик сўрови юборди.

Фарғона вилоятининг Қўштепа туманидаги 21-умумий ўрта таълим мактаби биноси қаровсиз қолгани аниқланди. Бу ҳақда «O‘zLiDeP» сайтида мақола эълон қилинди.