Европа футбол уюшмалари иттифоқи — УЕФА Чемпионлар лигаси плей-офф босқичининг ушбу мавсум учун расмий тўпини тақдим этди.  

Бу йилги плей-офф қатнашчилари оқ-тўқ сариқ тўпда ўйнайди. Футбол тўпи «Adidas» томонидан ишлаб чиқарилди. Тўпга «Кўҳна қитъа»нинг бош клуб соврини тасвири ва «Madrid 19» ёзуви туширилган — финал ўйини Мадриддаги «Атлетико»нинг 60 минг кишилик «Wanda Metropolitano» стадионида 1 июнь куни бўлиб ўтади.

ЧЛ 1/8 финалининг илк ўйинлари эса 12 ва 20 февраль кунлари, жавоб ўйинлари 5 ва 13 март кунлари бўлиб ўтади.

Плей-офф қуйидаги жуфтликлар ўртасида бўлиб ўтади:

• «Шальке» (Германия) — «Манчестер Сити» (Англия);
• «Атлетико» (Испания) — «Ювентус» (Италия);
• «Манчестер Юнайтед» (Англия) — «ПСЖ» (Франция);
• «Тоттенхэм» (Англия) — «Боруссия Дортмунд» (Германия);
• «Лион» (Франция) — «Барселона» (Испания);
• «Рома» (Италия) — «Порту» (Португалия);
• «Аякс» (Голландия) — «Реал» (Испания);
• «Ливерпуль» (Англия) — «Бавария» (Германия).