Роналду футболдан кетишни ўйламоқда — Teamtalk
Саудия Арабистонининг «Ан-Наср» клубида тўп сураётган Криштиану Роналду футболчилик фаолиятини якунлаш ҳақида ўйламоқда. Бу ҳақда Teamtalk хабар берди.
Манбага кўра, 39 ёшли форвард «Ан-Наср» билан амалдаги шартномаси тугагач, профессионал фаолиятини якунлаганини эълон қилиши мумкин. Шунинг баробарида, Роналду ватанига қайтиб, сўнгги шартномасини португал жамоаларидан бири билан имзолаш вариантини ҳам кўриб чиқяпти, дейилади хабарда.
Криштиану Роналду «Ан-Наср» сафида 83 ўйин ўтказиб, 74 та гол ва 18 та голли узатма муаллифи бўлди. Унинг жамоаси Саудия Арабистони чемпионатида жорий мавсумда 25 очко билан тўртинчи ўринда бормоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter