«Норвич» АПЛга қайтди, иккинчи номзод — «Шеффилд Юнайтед»
Чемпионшипнинг 45-турида «Блэкберн Роверс» устидан ғалаба қозонган «Норвич» клуби кейинги мавсумдан Англия Премьер-лигасида ўйнайдиган бўлди.
Нориждаги «Кэрроу Роуд» стадионида ўтган ўйин 2:1 ҳисобида «Норвич» фойдасига ҳал бўлди.
Ғолиблар сафида голларни Марко Штайперман (13-дақиқа) ва Марио Вранчич (21-дақиқа) киритди, меҳмонларнинг ягона голи эса ҳимоячи Льюис Трэвис (23-дақиқа) ҳисобига ёзилди.
АПЛга йўлланма берувчи иккинчи ўринга «Шеффилд Юнайтед» яққол даъвогар бўлиб турибди, бунинг учун унинг асосий рақиби — «Лидс Юнайтед» ўз уйида «Астон Вилла» билан бугун бўлиб ўтадиган ўйинда очко йўқотса бас.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter