Мўминжонов «Навбаҳор» футболчиларига икки тўп фарқи билан мағлуб бўлиш кўрсатмасини берган
Хабарингиз бор «Навбаҳор» клуби собиқ бош мураббий Илҳом Мўминжонов келишилган ўйинларни ташкил қилиш ва футболчилардан ҳам шуни талаб қилгани учун беш йилга футболга оид ҳар қандай фаолиятдан четлатилган ва 50 млн сўм миқдорида жаримага тортилган эди. Мураббийнинг қинғирликлари тафсилоти Uff.uz сайтида келтириб ўтилди.
Маълум бўлишича, суриштирувлар бу ишда тотализаторнинг роли каттароқ эканини кўрсатган. Яъни, Мўминжонов иккита гол фарқи билан мағлуб бўлиш юзасидан ўз футболчиларига кўрсатма берган. Буни бир нечта футболчилар тасдиқлашган, дея маълум қилмоқда ПФЛ ходими Диёр Имомхўжаев телеграмдаги каналида.
Эслатиб ўтамиз, Мўминжонов февраль ойида «Азиз Турғунбоев иши» бўйича айбдор сифатида топилган ва бир йил муддатга футболга оид фаолиятдан четлатилганди. Яқинда мураббийга нисбатан жазо чоралари яна кучайтирилди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter