Андроид қурилмалар учун Xabar.uz мобил иловаси. Юклаб олиш ×

Майк Тайсон блогерга қарши: «Жуда пулли жанг бўлади»

Майк Тайсон блогерга қарши: «Жуда пулли жанг бўлади»

Фото: «New York Post»

Жаҳон бокси афсонаси Майк Тайсон рингга кўтарилиш ва жанг ўтказишга тайёр. Фақат... бу жанг «Темир Майк»ка катта пул келтирган тақдирда. Собиқ спортчи «New York Post»га берган интервьюсида ниятини айтди.

Тайсоннинг айтишича, у Жейк ёки Логан Пол билан муштлашишга йўқ демасди. Ака-ука блогерларнинг жуда катта аудиторияси бор, турган гапки, шунга яраша пул ишлаб олса бўлади.

«Индамасдан улар билан жанг ўтказишга кўнардим. Жуда пулли жанг бўлади. Уларнинг 75 миллион нафар обуначиси бор. 100 миллион доллар учун улар ҳамма нарсага рози», — деди Тайсон.

Маълумот учун, Логан Пол — таниқли шоумен, видеоблогер ва ашаддий бокс мухлиси. Илгари у Флойд Мейвезерга қарши кўргазмали жанг ўтказганди. Блогер 250 минг доллар гонорар олган ўша баҳсда Мейвезер 10 миллион доллар ишлаб олганди.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг